Jo ab kisi aur ke jeene ka sahara sa hai //
Woh aaj bhi yaad ban ke hamara sa hai //
Aaj bhi hum sapney dekha karte hain yunhi //
Aaj bhi waqt ka ye pal bechaara sa hai . . .
Ek saans se doosri saans tak ki jo doori hoti hai //
Uss khaalipan mein aksar ye zindagi poori hoti hai //
Phir bhi jaane kis cheez mein khush hoon maen //
Har bechaeni sukoon hai, har afsos pyaara sa hai . . .
Gham aur khushi ke fark ki jo baat ho gayi //
Gham mujhmein reh gaya, khushi uske saath ho gayi //
Koi kaise bataaye faayde mein kaun raha //
Dil aaj phir jeeta hai, dil aaj phir haara sa hai . . .
:-/ %-)
This is what am exactly feeling right now. Har behcaini sukoon hai,har afsos pyara hai.
ReplyDelete