uss sey keh do mujhe sataanaa chhod de,
dusron ke saath reh kar har pal mujhe jalaanaa chhod de,
yaa toh kar de inkaar ki mujhse mohabbat nahi,
yaa mujhe guzarte hue dekh palatt kar muskuraanaa chhod de,
na kare baat mujhse koi gham nahin hai,
yun sun kar aawaaz meri jharokhe pe aana chhod de,
kar de dil-e-bayaan jo chhupa rakha hai,
yun ishaaron mein haal bataanaa chhod de,
kya iraadaa hai bataa de ab mujhe,
yun doston ko mere kisse
sunaanaa chhod de,
hai pasand gulaabi rang mujhe,
uss libaas mein baar-baar aana chhod de,
naa kare yaad mujhe beshaq tu,
kitaabon pe likh ke meraa naam mitaana chhod de...
No comments:
Post a Comment